மருத்துவமனையில் சிகிச்சை பெற்ற கைதி தப்பி ஓட்டம்

விருதுநகர் மாவட்டம் சாத்தூர் முனியசாமி கோவில் தெருவை சார்ந்தவர் நாராயணசாமி (60) இந்த நிலையில் அப்பயநாயக்கன் பட்டி போலீசார் வீரார்பட்டியில் நடைபெற்ற இருசக்கர வாகன திருட்டு வழக்கில் நாராயணசாமியை கைது செய்து விசாரணை மேற் கொண்டர். இந்த நிலையில் விசாரணைக்கு பின்னர் நாராயணசாமியை சாத்தூர் குற்றவியல் நீதிமன்றத்தில் அப்பயநாயக்கன்பட்டி போலீசார் டிசம்பர் 5ஆம் தேதி ஆஜர் படுத்தி உள்ளனர்.

மேலும் சாத்தூர் நீதிமன்றத்தில் நாராயணசாமி முன்னுக்குப் பின் முரணாக பதில் அளித்ததால் நீதிபதி நாராயணசாமியை மன நல மருத்துவரிடம் பரிசோதனை செய்து அறிக்கை தாக்கல் செய்ய உத்தரவிட்டிருந்தார். இந்த நிலையில் அப்ப நாயக்கன் பட்டி போலீசார் நாராயணசாமியை விருதுநகர் அரசு மருத்துவக்கல்லூரி மருத்துவமனையில் உள்ள மன நல மருத்துவரிடம் கடந்த மூன்று நாட்களாக தங்கி சிகிச்சையில் இருந்த நாராயணசாமி இன்று காலை பணியில் இருந்த காவலர்களை ஏமாற்றி விட்டு மருத்துவமனையில் இருந்து தப்பி ஓடி உள்ளார்.

இந்த நிலையில் அரசு மருத்துவ கல்லூரி மருத்துவமனையில் சிகிச்சையில் இருந்த விசாரணை கைதி தப்பி ஓடியது பெரும் பரபரப்பு ஏற்படுத்தி உள்ளது. இதனை அடுத்து அப்ப நாயக்கன்பட்டி போலீசார் தப்பி ஓடிய விசாரணை கைதி நாராயணசாமியை தேடி வருகின்றனர்.