10ம் வகுப்பு, பிளஸ்-2 தேர்வில் அதிக மதிப்பெண் பெற்ற மாணவர்களுக்கு பரிசு

சேலம் டாக்டர் அம்பேத்கர் படிப்பு மையம் சார்பில் 10-ம் வகுப்பு மற்றும் பிளஸ்-2 தேர்வில் அதிக மதிப்பெண்கள் பெற்ற மாணவ, மாணவிகளுக்கு பாராட்டு விழா சேலம் கோர்ட்டு ரோடு காலனி சர்வ சக்திமாரியம்மன் கோவில் வளாகத்தில் நேற்று நடந்தது. போலீஸ் சப்-இன்ஸ்பெக்டர்கள் மாணிக்கம், ரவி ஆகியோர் தலைமை தாங்கினர். முருகராஜ் வரவேற்றார்.

சேலம் அரசு கலைக்கல்லூரி கூட்டுறவுத்துறை உதவி பேராசிரியர் பிச்சமுத்து கலந்து கொண்டு ஏழை, எளிய மாணவ, மாணவிகள் 40 பேருக்கு பரிசுகளையும், நோட்டு, புத்தகம் உள்ளிட்ட கல்வி உபகரணங்களையும் வழங்கி பாராட்டினார். சேலம் கோர்ட் ரோடு காலனியில் வசிக்கும் ஏழை, எளிய மாணவ, மாணவிகள் அரசு பொதுத்தேர்வில் அதிக மதிப்பெண்கள் பெற்றதால்,

அவர்களை கவுரவிக்கும் வகையில் இந்த பரிசுகள் வழங்கப்பட்டது. நிகழ்ச்சியில், கல்லூரி பேராசிரியர் ஜெயக்குமார், பன்னீர்செல்வம் மற்றும் ரமேஷ், சங்கர், சிவராஜ் உள்பட பலர் கலந்து கொண்டனர்.