டூவீலர்கள் நேருக்கு நேர் மோதல்- இருவர் படுகாயம் !

புன்னம்சத்திரம்- டூவீலர்கள் நேருக்கு நேர் மோதல்- இருவர் படுகாயம். காவல்துறை வழக்கு பதிவு. கரூர் மாவட்டம், புகலூர் தாலுகா, புன்னம்சத்திரம் அருகே ஈரோடு மெயின் ரோடு பகுதியைச் சேர்ந்தவர் ஜெயக்குமார் வயது 50. இவர் மார்ச் 21ஆம் தேதி இரவு 7:30-மணி அளவில், கரூர் - ஈரோடு சாலையில் அவருக்கு சொந்தமான டூவீலரில் சென்று கொண்டு இருந்தார். இவரது வாகனம் புன்னம் சத்திரம் பால் கூட்டுறவு சங்கம் அருகே வந்தபோது, எதிர் திசையில், கரூர் மூலப்பாளையம், இந்திரா நகரை சேர்ந்த ரமேஷ் மகன் வயது 16 என்ற சிறுவன் வேகமாகவும் அஜாக்கிரதையாகவும் ஓட்டி வந்த டூ வீலர், ராமசாமி ஓட்டிச் சென்ற டூவீலர் மீது, நேருக்கு நேர் மோதி விபத்து ஏற்பட்டது. இந்த விபத்தில் ராமசாமிக்கும், சிறுவனுக்கும் பலத்த காயங்கள் ஏற்பட்டது. உடனடியாக தனியார் ஆம்புலன்ஸ் மூலம் ராமசாமியை கோவை கங்கா மருத்துவமனையிலும்,சிறுவனை கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த ராமசாமியின் உறவினர் ஜெயக்குமார் என்பவர், காவல்துறையினருக்கு அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர் டூவீலரை கவனக்குறைவாகவும், வேகமாகவும் ஓட்டி விபத்து ஏற்படுத்திய சிறுவன் மீது வழக்கு பதிவு செய்துள்ளனர் வேலாயுதம்பாளையம் காவல்துறையினர்.