கிழக்கு சீமையிலே பட பாடலைப் பாடி ராதிகா சரத்குமாரை கவர்ந்த மூதாட்டி

பாராளுமன்ற தேர்தல் நடைபெறுவதையொட்டி தமிழகம் முழுவதும் பல்வேறு கட்சியினரின் பிரச்சாரம் சூடு பிடிக்க தொடங்கியுள்ளது. அதனையொட்டி விருதுநகர் அருகே உள்ள பாலவநத்தம் கிராமத்தில் இன்று மாலை பாரதிய ஜனதா கட்சியின் வேட்பாளர் ராதிகா சரத்குமார் அவர்கள் பிரச்சாரத்தை மேற்கொண்டு பொதுமக்களிடையே பேசினார்.

அப்பொழுது அந்த கூட்டத்தில் இருந்த பவுன் தாய் என்ற மூதாட்டி வேட்பாளர் ராதிகா சரத்குமார் அவர்களை பார்த்து அவர் நடித்த கிழக்குச் சீமையிலே படத்தில் உழுதா புழுதியிலும் உன் முகமே தெரியுதமா என்ற பாடலைப் பாடி ராதிகா சரத்குமாரின் நடிப்பை பாராட்டினார்

.மேலும் உங்கள் நடிப்பு எனக்கு மிகவும் பிடிக்கும் என்றும் தெரிவித்தார்.  மேலும் அவருடன் பேசிய ராதிகா சரத்குமார் நான் உங்களிடம் ஓட்டு கேட்டு வந்துள்ளேன் அது உங்களுக்கு பிடித்திருக்கிறதா என்று கேட்டார். அதற்கு அந்த மூதாட்டி பிடிக்கும் என்று பதிலளித்தார். மேலும் இந்த தொகுதியில் வெற்றி பெற்று வந்தால் நல்லா செயல்படுவேன என்று நீங்கள் நம்புகிறீர்களா என்று கேட்டார் உடனே அந்த மூதாட்டி அது உங்கள் மனதை பொறுத்த விஷயம் என்ற பதிலளித்து.

அவர் நடித்த கிழக்கு சீமையிலே படத்தில் வரும் உழுதா புழுதியிலும் உன் முகமே தெரியுதுமா என்ற பாடலை பாடி தெரியுது என்று பதிலளித்தார். அதற்கு ராதிகா சரத்குமார் அவர்கள் என் மீது நம்பிக்கை இருக்கா என்ற கேள்வி எழுப்பியதற்கு அந்த மூதாட்டி நம்பிக்கை எங்களுக்கு இருக்கும் அதே போல் ஆட்சிக்கு வரவங்களுக்கும் இருக்கனும் என்று தெரிவித்தார்,

மேலும் அந்த மூதாட்டியின் கேள்விக்கு பதில் அளித்த ராதிகா சரத்குமார் அவர்கள் உறுதியாக நரேந்திர மோடி அவர்கள் மூன்றாவது முறையாக பிரதமராக வருகிறார் அந்த நம்பிக்கை எனக்கு இருக்கிறது உங்களுக்கு இருக்கிறதா என்று கேட்டார் அதற்கு அந்த மூதாட்டி வருவார் என்று பதில் அளித்தார் மேலும் அந்த மூதாட்டி நீங்களும் சரத்குமாரும் மாறும் நடித்த சூரிய வம்சம் படம் எனக்கு மிகவும் பிடித்த படம் என்று பதில் அளித்தார்