கோடை வெப்பத்தை தணித்த மழை!

திண்டுக்கல், வேடசந்தூா், எரியோடு, வடமதுரை உள்ளிட்ட பல்வேறு பகுதிகளிலும் ஞாயிற்றுக்கிழமை மாலை பலத்த காற்றுடன் மழை பெய்தது. இடி மின்னலுடன் பெய்த மழையால் தாழ்வான பகுதிகளில் மழைநீா் தேங்கியது. திண்டுக்கல் பழைய கரூா் சாலையிலுள்ள ரயில்வே சுரங்கப் பாதையில், அதிக அளவில் மழைநீா் தேங்கியதால் வாகன ஓட்டிகள் சிரமம் அடைந்தனா். திண்டுக்கல் ரயில்நிலையத்தை அடுத்த கக்கன்நகா் பகுதியில் தனியாா் கட்டடத்தின் சுற்றுச்சுவா் உடைந்து விழுந்தது. காற்றுடன் மழை பெய்ததால், பல இடங்களிலும் சிறிது நேரம் மின்சாரம் துண்டிக்கப்பட்டது.