காவல் நிலையத்தில் வரவேற்பு அறை- துவக்கி வைத்த எஸ்.பி

காவல் நிலையத்திற்கு புகார் அளிக்க வரும் பொதுமக்கள், காவல் நிலையத்தில் அமர்ந்து அவர்களது குறைகளை முறையிடுவதற்கு ஏதுவாக வரவேற்பாளர் அறை அமைக்கப்பட்டு, அங்கு காவலர்கள், புகார் அளிக்க வருபவரின் குறைகளை மனுவாக அளிப்பதற்கு உரிய வாய்ப்புகள் வழங்கப்பட வேண்டும் என, தமிழக அரசு ஏற்கனவே உத்தரவிட்டு இருந்தது. இதன் அடிப்படையில், இன்று கரூர் மாவட்டம், வெங்கமேடு காவல் நிலையத்தில் புதிதாக அமைக்கப்பட்ட வரவேற்பாளர் அறையை திறந்து வைத்து, பொதுமக்களுக்கு தேவையான வசதிகள் அதில் உள்ளதா? என பார்வையிட்டார் மாவட்ட காவல் கண்காணிப்பாளர் பிரபாகர். இந்த நிகழ்ச்சியில் கரூர் காவல்துணை கண்காணிப்பாளர் சரவணன், வெங்கமேடு காவல் ஆய்வாளர் சரவணன், காவல் உதவி ஆய்வாளர்கள், இருபால் காவலர்கள் என ஏராளமானோர் கலந்து கொண்டு, புதிய வரவேற்பாளர் அறை திறப்பு விழாவில் கலந்து கொண்டு சிறப்பித்தனர்.