சிசிடிவி கேமராவை சரி செய்ய கோரிக்கை

மயிலாடுதுறை நகரில் காவல்துறையினரால் ஆங்காங்கே பொருத்தப்பட்டிருக்கும் சிசிடிவி கண்காணிப்பு கேமராக்கள் பகுதிக்கு மேற்பட்டவை பழுதாகிவிட்டன. குறிப்பாக மயிலாடுதுறை கிட்டப்பா அங்காடி முன்பு டிராஃபிக் சிக்னலில் மயிலாடுதுறையிலிருந்து மேற்கு செல்வதற்கான வாகனங்கள் மற்றும் சம்பவங்களை கண்காணிப்பதற்கும் கிட்ட பா அங்காடி முன்பு கச்சேரி சாலையில் செல்பவர்களை கண்காணிக்க, பழைய பேருந்து நிலையத்தை நோக்கி செல்பவர்களை கண்காணிக்க என ஒரே கம்பத்தில் மூன்று பக்கங்களையும் கண்காணிக்க மூன்று சிசிடிவி கேமராக்கள் பொருத்தப்பட்டு நல்ல செயல்பாட்டில் இருந்தது. பல மாதத்திற்கு முன்பு அந்த கம்பத்தில் இருந்த மேற்கு நோக்கி பொருத்தப்பட்டிருந்த கேமராவை காணவில்லை, இதனால் அப்பகுதியில் என்ன நடக்கிறது என்பது காவல் கட்டுப்பட்டு அறைக்கு தெரிவதில்லை , அப்பகுதியில் ஏதாவது நடந்தாலும் கண்டுபிடிக்க ஏதுவாக மூன்றாவது கேமராவை பொருத்த வேண்டுமென சமூக ஆர்வலர்கள் கேட்டுக் கொண்டுள்ளனர்.