விவசாயிகள், தொழிலாளர்கள் சங்கம் சார்பில் சாலை மறியல்

நத்தம் அடுத்துள்ள கோபால்பட்டி பேருந்து நிறுத்தம் முன் விவசாயிகள் தொழிலாளர்கள் சங்கத்தின் சார்பில் வெள்ளிக்கிழமை சாலை மறியல் போராட்டம் நடத்தினர்.

திண்டுக்கல் மாவட்டம், சாணார்பட்டி அடுத்துள்ள கோபால்பட்டி பேருந்து நிறுத்தம் முன் விவசாயிகள் தொழிலாளர்கள் சங்கத்தின் சார்பில் சாலை மறியல் போராட்டம் வெள்ளிக்கிழமை நடைபெற்றது. மத்திய அரசின் விவசாயிகள் கொள்கையை கண்டித்து கோஷங்கள் எழுப்பினர்.இதில் விவசாய சங்க ஒன்றிய அமைப்பாளர் சின்ராஜ், மாதர் சங்க மாவட்ட செயலாளர் பாப்பாத்தி, உள்பட ஏராளமானோர் கலந்துகொண்டனர்.இதையடுத்து போலீஸார் சாலை மறியலில் ஈடுபட்ட 32 பெண்கள் உள்பட 72 பேரை கைது செய்தனர்.