திருப்பூரில் பெண்கள் சாலை மறியல் போராட்டம்

திருப்பூர் மங்களம் ரோடு பாரப்பாளையம் அருகே செல்லம் நகர் பகுதியில் ஆயிரக்கணக்கான குடும்பங்கள் வசித்து வருகின்றனர். இந்நிலையில் கோடைகாலத்தில் வெயிலின் தாக்கம் அதிகமாக இருப்பதால் குடிநீர் தட்டுப்பாடு ஆங்காங்கே இருந்து வருகிறது.

இந்நிலையில் செல்லம் நகர் பகுதியில் சரியான முறையில் குடிநீர் வழங்கப்படாததால் அந்தப் பகுதியில் உள்ள மகளிர்கள் சாலை மறியலில் ஈடுபட்டனர்.இதனால் அப்பகுதியில் ஒரு மணி நேரத்திற்கு மேலாக போக்குவரத்து பாதிப்பு ஏற்பட்டது. பின்னர் கேவிஆர் நகர் காவல் நிலைய போலீசார் பொதுமக்களுடன் பேச்சுவார்த்தையில் ஈடுபட்டு குடிநீர் வழங்க ஏற்பாடு செய்து தரப்படும் என்று கூறியவுடன் போராட்டத்தை கைவிட்டு கலைந்து சென்றனர்.