மலை போல் குவிந்த குப்பைகளால் சுகாதார சீர்கேடு

பழனி அடிவாரம் சுபம் லாட்ஜ் சந்தில் மலை போல் குவிந்துள்ள குப்பைகள். ஆயிரக்கணக்கான பக்தர்கள் நடமாடும் பகுதிகளில் குப்பைகளை தேங்கவிடாமல் அவ்வப்போது அப்புறப் படுத்துவதே நல்லது. மலைபோல் குவிந்துள்ள குப்பைகளால் துற்நாற்றம் வீசுகிறது.‌ அப்பகுதி கடைகளில் சேரும் குப்பைகளை, குப்பை அள்ளும் வாகனங்களில் கொட்டாமல் சாலையில் கொட்டுவதும் காரணமாக உள்ளது. குப்பைகளை சாலையில் கொட்டும் வியாபாரிகள் மீது நடவடிக்கை எடுக்க வேண்டும். நோய் பரவும் நிலை ஏற்படும் முன் அதிகாரிகள் நடவடிக்கை எடுக்க வேண்டும் என பக்தர்கள் எதிர்பார்க்கின்றனர்.