கற்பகவிருட்ஷ சேவையில் அருள்பாலித்த சென்னகேசவப்பெருமாள்

சேலம் மாவட்டம், சங்ககிரி சித்திரைத் தேர்திருவிழா 14வது நாள் மண்டப கட்டளையொட்டி அருள்மிகு சென்னகேசவப்பெருமாள் உடனமர் ஸ்ரீதேவி, பூதேவி உற்சவமூர்த்தி சுவாமிகளுக்கு ஸ்ரீ கற்பகவிருட்ஷ சேவையில் ஞாயிற்றுக்கிழமை சிறப்பு பூஜைகள் நடைபெற்றது.

14வது நாள் மண்டப கட்டளையையொட்டி மலையடிவாரத்தில் உள்ள சுவாமி தங்கும் மண்டபத்தில் அருள்மிகு சென்னகேசவப்பெருமாள் உடனமர் ஸ்ரீதேவி, பூதேவி, ஆஞ்சநேயர் உற்சவமூர்த்தி சுவாமிகளுக்கு பல்வேறு திவ்யபொருள்களைக் கொண்டு சிறப்பு அபிஷேக, அலங்கார பூஜைகள் நடைபெற்றது. இதனையடுத்து அருள்மிகு சென்னகேசவப்பெருமாள் உடனமர் ஸ்ரீதேவி,பூதேவி உற்சவமூர்த்தி சுவாமிகளுக்கு ஸ்ரீ கற்பகவிருட்ஷ சேவையில் பக்தர்களுக்கு அருள்பாலித்து நகரின் முக்கிய வீதிகளின் வழியாக வீதி உலா வந்தனர். இதில் திரளான பக்தர்கள் கலந்து கொண்டு சுவாமிகளை வழிப்பட்டுச் சென்றனர். கட்டளைதாரர்கள் சார்பில் பக்தர்கள் அன்னதானம் வழங்கப்பட்டது.