சத்தியமங்கலம் : உடல் நலம் குன்றிய யானைக்கு சிகிச்சை

ஈரோடு மாவட்டம், சத்தியமங்கலம் புலிகள் காப்பகத்திற்குட்பட்ட, சத்தியமங்கலம் வனச்சரகத்திற்குட்பட்ட கெம்பநாய்க்கன் பாளையம் அருகே உள்ள பெரும்பள்ளம் அணைபகுதிக்கு அருகே வனப்பகுதியில் இருந்த யானை நேற்று காலை வந்தது. தண்ணீர் குடித்துவிட்டு திரும்பி சென்ற யானை அனைப்பகுதி அருகே படுத்துக்கொண்டது. அப்போது அந்த வழியாக ரோந்து சென்ற வனத்துறை வேட்டைத்தடுப்பு காவலர்கள் இது குறித்து வனத்துறை அதிகாரிகளுக்கு தகவல் கொடுத்தனர். வனத்துறையினர் மற்றும் கால்நடைத்துறை மருத்துவர் சதாசிவம் ஆகியோர் சம்பவயிடத்திற்கு சென்று உடல் நலம் குன்றி படுத்து கிடக்கும் அந்த யானைக்கு பாட்டில்கள் மூலம் குளுக்கோஸ் ஏற்றியும், ஊசிபோட்டும் சிகிச்சை அளித்தனர்.