உளுந்தூர்பேட்டை அருகே தொடர் விபத்தில் ஏழு பேர் காயம்

உளுந்துார்பேட்டை அருகே அடுத்தடுத்த நடந்த விபத்துக்களில் 7 பேர் காயமடைந்தனர். திருவள்ளுர் மாவட்டம், குந்தம்பாக்கத்தில் இருந்து பீர் பாட்டில்களை ஏற்றிக்கொண்டு மதுரை நோக்கி லாரி ஒன்று சென்று கொண்டிருந்தது.

நேற்று முன்தினம் இரவு 9:00 மணியளவில் உளுந்துார்பேட்டை தாலுகா சேந்தமங்கலம் அருகே சென்றபோது, பின் தொடர்ந்து வந்த அரசு பஸ் லாரியின் மீது மோதியது. லாரி டிரைவர் திருவள்ளூர் பகுதியை சேர்ந்த கோகுலகிருஷ்ணன், பஸ் பயணிகள் மதுரையை சேர்ந்த ஜானகிராமன்,

மருதம்மாள், ரமேஷ், கஜேந்திரகுமார், திருநாவுக்கரசு உட்பட 7 பேர் காயமடைந்தனர். உடன் அவர்கள் உளுந்தூர்பேட்டை அரசு மருத்துவமனையில் சேர்க்கப்பட்டு சிகிச்சை பெற்று திரும்பினர். அதேபோல் ஆந்திர மாநிலத்தில் இருந்து குளிர் பானங்களை ஏற்றிக் கொண்டு திருநெல்வேலி நோக்கி டாரஸ் லாரி சென்று கொண்டிருந்தது. நேற்று முன்தினம் இரவு 9:30 மணியளவில் உளுந்துார்பேட்டை அடுத்த கெடிலம் ஆற்றுப்பாலத்தில் சென்றபோது,

பின்னல் வந்த தனியார் ஆம்னி பஸ் டாரஸ் லாரி மீது மோதியது. இந்த விபதத்தில் வாகனங்கள் மட்டுமே சேதமடைந்தன. இவ்விரு விபத்துக்கள் குறித்து திருநாவலுார் போலீசார் விசாரித்து வருகின்றனர்.