சைலேந்திரபாபு வழிகாட்டுதல் நிகழ்வு

காங்கேயம் அருகே திட்டுப்பாறை தனியார் கல்லூரியில்  12ஆம் வகுப்பு முடித்த மாணவ மாணவிகளுக்கு‌ வழிகாட்டுதல் நிகழ்வு நடைபெற்றது.இதில்  முன்னாள் போலீஸ் அதிகாரி சைலேந்திரபாபு பங்கேற்பு 12ஆம் வகுப்பு மேல்நிலை பள்ளி படிப்பை முடிவடைந்த நிலையில் மாணவ மாணவிகள் அடுத்த கட்ட கல்லூரி படிப்பிற்கு தயார் ஆகி வருகின்றனர். இந்த நிலையில் எந்தவித படிப்பை தொடர்வது, எங்கு படிப்பது, எந்த துறையில் செல்வது, எந்த பட்டப்படிப்பை தேர்ந்தெடுப்பது போன்ற எண்ணற்ற கேள்விகளை உள்ளடக்கி தடுமாறி வருகின்றனர். இந்நிலையில்  காங்கேயம் அடுத்த திட்டுப்பாறையில் இயங்கிவரும் தனியார் கல்லூரியில் தி ரைட் சாய்ஸ் என்ற நிகழ்ச்சி நடத்தப்பட்டது. இந்நிகழ்விற்கு ஓய்வு பெற்ற முன்னாள் காவல்துறை தலைமை இயக்குநர் சைலேந்திர பாபு கலந்து கொண்டு தலைமை தாங்கினார். இந்த நிகழ்வில் மேல்நிலை பள்ளி படிப்பை முடித்த 12ஆம் வகுப்பு மாணவ மாணவிகளுக்கான கல்வி வழிகாட்டுதல் கருத்துக்களை சைலேந்திர பாபு வழங்கினார். மேலும் இந்நிகழ்ச்சியில் கல்லூரி முதல்வர், பேராசிரியர்கள், மற்றும் மாணவ மாணவிகள் என சுமார் 800க்கும் மேற்பட்டோர் கலந்து கொண்டனர்.