சிறுகடம்பூர் செல்லியம்மன் கோயில் தேரோட்டம்

அரியலூர் மாவட்டம், செந்துறை அடுத்த சிறுகடம்பூர் கிராமத்திலுள்ள செல்லியம்மன் கோயில் திருவிழாவையொட்டி,தேரோட்டம் நிகழ்ச்சி புதன்கிழமை நடைபெற்றது.இக்கோயிலில் கடந்த வாரம் காப்பு கட்டுதலுடன் திருவிழா தொடங்கி, நாள் தோறும் பல்வேறு வாகனங்களில் அம்மன் வீதியுலா நடைபெற்றது. விழாவின் முக்கிய நிகழ்ச்சியான தேரோட்டம் புதன்கிழமை நடைபெற்றது. காலை 10 மணிக்கு அலங்கரிக்கப்பட்ட தேரில் செல்லியம்மன் எழுந்தருளி பக்தர்களுக்கு அருள்பாலித்தார். அதனை தொடர்ந்து திரளாக கூடியிருந்த பொதுமக்கள் வடம் பிடித்து தேரை இழுத்தனர். இந்நிகழ்ச்சியில், சுற்றுவட்டாரத்தில் இருந்து கிராம மக்கள் கலந்து கொண்டு அம்மனை தரிசனம் செய்தனர்.