ஓசூர் அருகே சோதனைச் சாவடிகளை எஸ்பி நேரில் ஆய்வு

கிருஷ்ணகிரி மாவட்டம் ஓசூர் அருகே பூனப்பள்ளி சோதனை சாவடியில் ஓசூர் மதுவிலக்கு அமல் பிரிவு போலீசார் மற்றும் மத்திகிரி போலீசார் நடத்திய வாகன சோதனையில் கர்நாடக மாநிலத்தில் இருந்து கடத்தி வந்த 384 கர்நாடக மதுபான பாக்கெட்டுகளை பறிமுதல் செய்து கடத்தலில் ஈடுபட்ட 2 பேரை கைது செய்தனர்.

இதேபோல கக்கனூர் சோதனை சாவடியில் கர்நாடக மாநிலத்தில் இருந்து குட்கா பொருட்களை கடத்தி வந்த ஒருவரை போலீசார் கைது செய்தனர். மேலும் சோதனை சாவடிகளில் முறையாக வாகனங்களை பரிசோதனை செய்ய வேண்டும் என காவலர்களுக்கு மாவட்ட காவல் கண்காணிப்பாளர் தங்கதுரை கூறினார்