சைதன்யா டெக்னோ பள்ளியில் விளையாட்டு விழா

கரூர் மாவட்டம், காக்காவாடி பகுதியில் செயல்படும் ஜெயராம் கலை மற்றும் அறிவியல் கல்லூரியின் விளையாட்டு மைதானத்தில், ஸ்ரீ சைதன்யா டெக்னோ பள்ளியின் 2023- 24 ஆம் ஆண்டுக்கான, முதலாம் ஆண்டு விளையாட்டு திருவிழா நடைபெற்றது. இப்பள்ளியில் பயின்று வரும் ப்ரீகேஜி, எல்கேஜி, யுகேஜி உள்ளிட்ட 11ஆம் வகுப்பு வரை பயின்று வரும் மாணவ- மாணவியர் சுமார் 1300- பேர் இன்று நடைபெற்ற விளையாட்டு போட்டியில் பங்கேற்றனர். இன்று நடைபெற்ற விளையாட்டு போட்டியில் 100 மீட்டர், 200 மீட்டர், 400 மீட்டர், 800 மீட்டர், 1500 மீட்டர் தொலைவுக்கான பல்வேறு ஓட்டப்பந்தய போட்டிகள் நடைபெற்றது. மேலும், வாலிபால், த்ரோபால், கொக்கோ, கிரிக்கெட், பேஸ்கட்பால் என பல்வேறு பிரிவுகளில் விளையாட்டு போட்டிகள் நடத்தப்பட்டது. இந்த போட்டிகளில் வெற்றி பெற்ற மாணவ- மாணவியருக்கு பதக்கம் மற்றும் சான்றிதழ்களை பள்ளி நிர்வாகத்தின் சார்பில் வழங்கி வாழ்த்து தெரிவித்தனர். இந்த நிகழ்ச்சியில், பள்ளியின் தாளாளர், பள்ளியின் முதல்வர், இருபால் ஆசிரியர்கள், விளையாட்டுத்துறை பயிற்சியாளர்கள், நிகழ்ச்சி ஒருங்கிணைப்பாளர்கள் மற்றும் மாணாக்கர்களின் பெற்றோர்கள் என ஏராளமானோர் கலந்து கொண்டு, முதலாம் ஆண்டு விளையாட்டு திருவிழாவை சிறப்பித்தனர்.