மல்லூர் வீ.ஜி விகாஸ் பப்ளிக் பள்ளியில் தமிழ்ப்புத்தாண்டு விழா......

சேலம் மாவட்டம் மல்லூர் வீ.ஜி. விகாஸ் பப்ளிக் பள்ளியில் தமிழ்ப் புத்தாண்டு வெகு சிறப்பாகக் கொண்டாடப்பட்டது. தமிழ் மொழியின் சிறப்புகளைக் கூறும் வகையில் நடனம், கவிதை, உரை, பாடல் பாடுதல், தமிழ்ப் புலவர்களின் அணிவகுப்பு போன்ற பல வகையான நிகழ்ச்சிகள் பள்ளி மாணவர்களால் நடத்தப்பட்டன. பத்தாம் வகுப்பு மாணவர்கள் தமிழின் வளம் குறித்து விளக்கும் பொருட்களைக் காட்சிப்படுத்தினர். பள்ளியின் முதன்மைச் செயல் அலுவலர் திருநாவுக்கரசு தமிழ்மொழியின் செம்மை , தமிழர் வரலாறு மற்றும் பண்பாடு குறித்து மாணவர்களிடம் உரையாற்றினார். நிர்வாக அலுவலர் வினோத்குமார் மாணவர்களுக்கு தமிழ்ப் புத்தாண்டு வாழ்த்து கூறினார். பள்ளி முதல்வர் கணேஷ் இந்நிகழ்ச்சிக்கு ஏற்பாடு செய்த தமிழாசிரியர்களைப் பாராட்டி வாழ்த்து கூறினார்.