கார் விபத்தில் வாலிபர் உயிரிழப்பு

திருச்சி மாவட்டம் முசிறி தாலுக்கா திண்ணனூர் தெற்கு தெருவை சேர்ந்தவர் 25 வயதான சிவரஞ்சன். இவர் தனது மோட்டார் பைக்கில் திருச்சி துறையூர் சாலையில் சென்று கொண்டிருந்தார். அப்போது கரட்டாம்பட்டியில் உள்ள திண்ணனூர் பிரிவு சாலையில் சென்று கொண்டிருந்தபோது எதிரே வந்த அடையாளம் தெரியாத கார் மோதிவிட்டு தப்பி சென்றது.இந்த விபத்தில் படுகாயம் அடைந்த சிவரஞ்சன் சம்பவ இடத்திலேயே பரிதாபமாக உயிரிழந்தார். இந்த விபத்து குறித்து தகவல் அறிந்த புலிவலம் போலீசார் சம்பவ இடத்திற்க்கு விரைந்து சென்று உடலை கைப்பற்றி உடற்கூறு ஆய்விற்க்காக துறையூர் அரசு மருத்துவமனைக்கு அனுப்பி வைத்தனர்.பின்னர் இந்த விபத்து குறித்து புலிவலம் போலீசார் வழக்கு பதிவு செய்து விசாரணை செய்து வருகின்றனர்.