காரிமங்கலத்தில் நாளை மறுநாள் மேற்கு மாவட்ட தி.மு.க. செயற்குழு கூட்டம் !!

தர்மபுரி மேற்கு மாவட்ட தி.மு.க. செயலாளரும், முன்னாள் அமைச்சருமான பி.பழனியப்பன் வெளியிட்டுள்ள அறிக்கையில் கூறியுள்ளதாவது,தமிழக வேளாண்மை மற்றும் உழவர் நலத்துறை அமைச்சர் எம்.ஆர். கே.பன்னீர்செல்வம் ஆலோசனைப் படி தர்மபுரி மேற்கு மாவட்ட தி.மு.க.செயற்குழு கூட்டம் நாளை மறுநாள் (திங்கட்கிழமை) காலை 10.30 மணி அளவில் காரிமங்கலத்தில் உள்ள கட்சி அலுவலக கூட்ட அரங்கில் நடக்கிறது. கூட்டத்திற்கு மாவட்ட அவை தலைவர் மனோகரன் தலைமை தாங்குகிறார். கருணாநிதி நூற்றாண்டு நிறைவு விழா மற்றும் கட்சிப் பணிகள் குறித்து ஆலோசனை மேற்கொள்ளப்படுவதால் இந்த கூட்டத்தில் இந்நாள், முன்னாள் நாடாளுமன்ற, சட்ட மன்ற உறுப்பினர்கள், மாநில நிர்வாகிகள், மாவட்ட நிர்வாகிகள், தலைமை செயற்குழு உறுப்பினர்கள், பொதுக்குழு உறுப்பினர்கள், ஒன்றிய, நகர, பேரூர் கழக செயலாளர்கள், கிளை கழக நிர்வாகிகள், அணிகளின் தலைவர்கள், துணை தலைவர்கள், அமைப்பாளர்கள், துணை அமைப்பாளர்கள் அனைவரும் தவறாமல் கலந்துக்கொள்ளுமாறு அன்புடன் கேட்டுக்கொள்கிறேன் என அவர் வெளியிட்டுள்ள அறிக்கையில் கூறப்பட்டுள்ளது.