வீட்டின் பூட்டு உடைத்து நகை, பணம் கொள்ளை!

விராலிமலை தாலுகா தேராவூர் கீழத்தெருவை சேர்ந்தவர் சின்னு(75). இவரது மனைவி கண்ணம்மாள். இவர்கள் இருவரும் நேற்று காலை வழக்கம்போல் வீட்டை பூட்டி விட்டு 100 நாள் வேலைக்கு சென்று விட்டனர். மதியம் சின்னுவின் மகள் சித்ரா வீட்டுக்கு வந்தபோது, வீட்டின் முன்பக்க கதவில் இருந்த பூட்டு உடைக்கப்பட்டு உள்ளே பீரோவில் இருந்த ஒரு லட்சம் ரொக்கம், ஒரு பவுன் செயின் ஆகியவை திருட்டுப்போயிருப்பது கண்டு அதிர்ச்சியடைந்தார். இதுகுறித்த புகாரின்பேரில் விராலிமலை போலீசார் வழக்குப்பதிந்து விசாரணை நடத்தி வருகின்றனர்.