மது குடிக்க அனுமதித்தவர், மது விற்றவர் கைது  

நாமக்கல் மாவட்டம் குமாரபாளையம் பகுதியில் அரசு  அனுமதியில்லாமல் மது விற்பது, சில ஓட்டல் கடைகளில் மது குடிக்க அனுமதிப்பது போன்ற செயல்கள் நடப்பதாக போலீசாருக்கு தகவல் கிடைத்தது. இன்ஸ்பெக்டர் ராமகிருஷ்ணன் தலைமையில் ரோந்து சென்ற போலீசார், பள்ளிபாளையம் சாலை, பழைய தாசில்தார் அலுவலகம் செல்லும் வழி, சேலம் சாலை பங்களா எதிரில் உள்ள ஓட்டல் ஆகிய இடங்களில் இருவரை கைது செய்தனர். மது விற்றதாக பழனிசாமி, 30, என்பவரிடம், 8 மது பாட்டில்கள், மது குடிக்க அனுமதித்த யோகராஜ், 29, என்பவரிடம் ஒரு மது பாட்டில் ஆகியவை பறிமுதல் செய்யப்பட்டன.