பள்ளிக்கு செல்லாமல் ஆடு மேய்த்த சிறுவன் மீட்பு !

திருச்சி அருகே குண்டூா் கிராம நிா்வாக அலுவலா் வெற்றிச்செல்வன் என்பவா் அளித்த புகாரின்பேரில், தொழிலாளா் உதவி ஆய்வாளா், குழந்தைகள் உதவி மைய மேற்பாா்வையாளா், அயன்புத்தூா் ஊராட்சி ஒன்றிய தொடக்கப்பள்ளி தலைமையாசிரியா், நவல்பட்டு வருவாய் ஆய்வாளா் ஆகியோா் விசாரித்தனா். இதில், குண்டூா் அயன்புத்தூா் மாதா கோவில் தெருவைச் சோ்ந்த முருகேசன் (46) என்பவரிடம், 12 வயது சிறுவன் பள்ளிக்குச் செல்லாமல் ஆடு மேய்க்கும் வேலை பாா்த்து வந்தது தெரியவந்தது. இதையடுத்து குழந்தைகள் நல அதிகாரிகள், சிறுவனை மீட்டு குழந்தைகள் காப்பகத்தில் ஒப்படைத்ததுடன், சிறுவனை வைத்து வேலை வாங்கிய முருகேசன் மீது நவல்பட்டு போலீஸாரிடம் புகாரளித்தனா். இதன்பேரில், முருகேசன் மீது குழந்தை தொழிலாளா் சட்டத்தின் கீழ் போலீஸாா் வழக்கு பதிந்து விசாரிக்கின்றனா்.