மயக்கமடைந்து வாகனத்திலிருந்து கீழே விழுந்த பெண் பலி

நாகை மாவட்டம் திருமருகல் அருகே மோட்டார் சைக்கிளில் சென்ற பெண் மயக்கமடைந்து கீழே விழுந்தது சாவ நாகை மாவட்டம் திருமருகல் ஒன்றியம் திருப்புகலூர் ஊராட்சி ஆமப்பட்டம் பகுதியை சேர்ந்தவர் காசிநாதன் மனைவி ஆனந்தவள்ளி (வயது 54).இவர் கடந்த மாதம் 31-ஆம் தேதி காலை தனது வீட்டிலிருந்து திருக்கண்ணபுரம் பகுதியில் உள்ள தனது மகளின் வீட்டிற்கு நடந்து சென்றுள்ளார். அப்போது பின்னால் வந்த மோட்டார் சைக்கிளை மறித்து அதில் ஏறி வந்துள்ளார். வரும் வழியில் திடீரென ஆனந்தவள்ளிக்கு ரத்த அழுத்தம் காரணமாக மயக்கம் ஏற்பட்டுள்ளது.

இதனால் மயங்கி சாலையில் கீழே விழுந்துள்ளார்.இதனை அறிந்த அக்கம் பக்கத்தினர் ஆனந்தவள்ளியை மீட்டு திருக்கண்ணபுரம் அரசு ஆரம்ப சுகாதார நிலையத்தில் முதலுதவி செய்து சிகிச்சைக்காக 108 ஆம்புலன்ஸில் நாகப்பட்டினம் அரசு மருத்துவக் கல்லூரி ஆஸ்பத்திரிக்கு அனுப்பி வைத்தனர்.அங்கிருந்து மேல் சிகிச்சைக்காக தஞ்சாவூர் அரசு மருத்துவ கல்லூரி ஆஸ்பத்திரிக்கு அனுப்பி வைத்து அங்கு தீவிர சிகிச்சை பிரிவில் சிகிச்சை பெற்று வந்தார் .இந்த நிலையில் நேற்று முன்தினம் சிகிச்சை பலனின்றி ஆனந்தவள்ளி பரிதாபமாக உயிரிழந்தார்.இது குறித்து தகவல் அறிந்த திருக்கண்ணபுரம் போலீசார் ஆனந்தவள்ளியின் உடலை கைப்பற்றி உடற்கூறு ஆய்விற்கு அனுப்பி வைத்தனர்.மேலும் இது குறித்து வழக்கு பதிவு செய்து விசாரணை மேற்கொண்டு வருகின்றனர்.