விபத்தில் காயமடைந்த பெண் பலி!

விராலிமலை ஒன்றியம் மாத்துார் சொக்கலிங்க புரத்தை சேர்ந்தவர் மணிகண்டன் (29). இவரது மனைவி பாண்டிச்செல்வி (26). தங்கை முத்துகார்த்தி(21). இவர்கள் 3 பேரும் கடந்த 19ம் தேதி பைக்கில் திருச்சி புதுக்கோட்டை சாலையில் பீலிக்கான் கோயில் அருகே சாலையை கடக்க முயன்றபோது, அந்த வழியாக வந்த கார் மோதியதில் படுகாயமடைந்தனர். திருச்சி அரசு மருத்துவமனையில் அனுமதிக்கப்பட்டு சிகிச்சை பெற்று வந்தனர். அங்கு சிகிச்சை பலனின்றி பாண்டிச்செல்வி நேற்று உயிரிழந்தார். இது குறித்து மாத்தூர் போலீசார் வழக்கு பதிந்து விசாரணை நடத்தி வருகின்றனர்.