தூத்துக்குடியில் லாரி ஷெட்டில் திருடிய ஊழியர் கைது!

தூத்துக்குடியில் லாரி புக்கிங் அலுவலகத்தில் டயர், ரிம் உள்ளிட்ட பொருட்களை திருடியதாக ஊழியரை போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது: தூத்துக்குடி சங்கரப்பேரி தனுஷ்கோடி நகரைச் சேர்ந்தவர் செந்தூர்பாண்டி மகன் பாஸ்கர் (50). இவர் அப்பகுதியில் லாரி புக்கிங் அலுவலகம் நடத்தி வருகிறார். கடந்த 15 நாட்களுக்கு முன்னர் அங்கிருந்த டயர், ரிம் உள்ளிட்ட ரூ.1லட்சம் மதிப்புள்ள பொருட்கள் திருடுபோய்விட்டது.

இது தொடர்பாக சிப்காட் காவல் நிலையத்தில் பாஸ்கர் புகார் அளித்தார். புகாரின் பேரில் சப் இன்ஸ்பெக்டர் சண்முகம் வழக்குப் பதிந்து விசாரணை நடத்தியதில், அந்த அலுவலகத்தில் கிளார்க்காக வேலைபார்த்து வரும் மேல சண்முகபுரத்தைச் சேர்ந்த நவராஜ் மகன் விஜயகுமார் (47) என்பவர் திருடியது தெரியவந்தது. இதையடுத்து போலீசார் அவரை கைது செய்து திருடப்பட்ட பொருட்களை பறிமுதல் செய்தனர்.