தாசில்தார் வீட்டில் திருட்டு - போலீசார் விசாரணை

திருவண்ணாமலை அருகே உள்ள செல்வ விநாயகர் நகரை சேர்ந்தவர் காமராஜ் (வயது 60) ஓய்வுபெற்ற தாசில்தார். இவர், கடந்த 19- ந் தேதி குடும்பத்தினருடன் ஏற்காட்டுக்கு சுற்றுலா சென்றிருந்தார். 21-ம் தேதி இரவு வீடு திரும்பினார். அப்போது வீட்டின் பூட்டு உடைந்து கிடப்பதை கண்டு அதிர்ச்சி அடைந்தார்.

உள்ளே சென்று பார்த்த போது பீரோவில் இருந்த 5 பவுன் நகை, 2 கிலோ வெள்ளி பொருட்களை மர்ம நபர்கள் திருடி சென்றிருப்பது தெரியவந்தது. இது குறித்து திருவண்ணாமலை கிழக்கு காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்.