20 மீட்டர் அலுமினிய மின் ஒயர் திருட்டு - போலீசில் புகார்

நாமக்கல் மாவட்டம் குமாரபாளையம் அருகே ஒரு வாரமாக சிவசக்தி நகர் பகுதியில், புதிய மின் மாற்றி அமைக்கும் பணி நடந்து வருகிறது. நேற்றுமுன்தினம் மாலை 03:00மணியளவில், வேலை முடிந்து, 20 மீட்டர் அலுமினிய மின் ஒயர், இன்சுலேட்டர், மற்றும் இதர பொருட்களை, ஒயர்மேன் தனசேகரன், 54, அங்குள்ள மர அறுப்பு மில்லில் வைத்து சென்றார். நேற்று காலை 06:00 மணிக்கு வந்து பார்த்த போது,  20 மீட்டர் அலுமினிய மின் ஒயர் மட்டும் காணவில்லை. இதன் மதிப்பு சுமார் ஆயிரத்து 500 என கூறப்படுகிறது. இது குறித்து தனசேகரன் குமாரபாளையம் போலீசில் புகார் செய்துள்ளார். இதன்படி வழக்குப்பதிவு செய்த போலீசார், தீவிர விசாரணை செய்து வருகிறார்கள்.