இடையூறு ஏற்படுத்தாமல் பிரசாரம் - திருச்சி சிவாவை பாராட்டிய மக்கள்

நாமக்கல் மாவட்டம் ராசிபுரம் அடுத்த குருசாமிபாளையம் பேரூராட்சி பகுதியில், திமுக கூட்டணி சார்பில் போட்டியிடும் கொங்கு நாடு மக்கள் தேசிய கட்சியை சேர்ந்த வேட்பாளர் மாதேஸ்வரனுக்கு ஆதரவு கேட்டு திருச்சி சிவா எம் பி பிரச்சாரம் மேற்கொண்டார். குருசாமிபாளையம் பாவடி மைதானத்தில் நடந்த பிரச்சாரத்தில் பேசிக் கொண்டிருந்த போது அருகே உள்ள கோவில் மணி 9 மணியை குறிக்கும் வகையில், 9 முறை மணி அடித்தது. தொடர்ந்து பக்தி பாடல் வரிகள் ஒலித்தது. அந்த மணியோசைக்கு இடையூறு ஏற்படுத்தாத வகையில் 9 முறை மணி அடி வரைக்கும் காத்திருந்து .பின்னர் தனது பிரச்சாரத்தை மேற்கொண்டார்.

இது அங்கு இருந்த மக்கள் பார்த்து அவருக்கு பாராட்டு தெரிவித்து உற்சாகமாக கைத்தட்டி வரவேற்றனர். இதனைத் தொடர்ந்து புதுச்சத்திரம் பகுதியில் நடந்த பொதுக் கூட்டத்தில் கலந்து கொண்டு வேட்பாளர் மாதேஸ்வரனுக்கு வாக்குகளை கேட்டு பேசினார். இந்த பொதுக்கூட்டத்தில் ஒன்றிய கழக செயலாளர் கே.பி. ஜெகநாதன், பில்லா நல்லூர் பேரூர் கழக செயலாளர் சுப்பிரமணி, மற்றும் மாணவரணி சத்தியசீலன், உள்ளிட்ட ஆயிரத்திற்கும் மேற்பட்ட பொதுமக்கள் மற்றும் கூட்டணி கட்சியினர் என பலர் கலந்து கொண்டனர்.