லாட்டரி விற்பனை செய்த இருவர் கைது
குமாரபாளையத்தில் லாட்டரி விற்பனையில் ஈடுபட்ட இருவரை போலீசார் கைது செய்தனர்.
Update: 2024-06-12 01:56 GMT
பைல் படம்
நாமக்கல் மாவட்டம் குமாரபாளையத்தில் லாட்டரி சீட்டு விற்பனை நடப்பதாக போலீசாருக்கு தகவல் கிடைத்தது. இன்ஸ்பெக்டர் ராமகிருஷ்ணன் தலைமையில் போலீசார் தீவிர ரோந்து பணி மேற்கொண்டனர். நேற்று பகல் 12:00 மணியளவில் பகுதியில் ரோந்து சென்ற போது, பெராந்தர்காடு, ஆலாங்காட்டுவலசு ஆகிய பகுதிகளில் வெள்ளை சீட்டுகளில் நெம்பர் எழுதி, போலி லாட்டரி சீட்டுக்கள் விற்பனை செய்தது கண்டுபிடிக்கப்பட்டது. இதில் சீனிவாசன், 45, சஞ்சீவ்மூர்த்தி, 34, ஆகிய இருவர் கைது செய்யப்பட்டு, இவர்களிடமிருந்து தலா 5 சீட்டுக்கள் பறிமுதல் செய்யப்பட்டன. இது குறித்து வழக்குபதிவு செய்து குமாரபாளையம் போலீசார் விசாரணை செய்து வருகிறார்கள்.