குட்கா கடத்திய இருவர் கைது

எலவனாசூர்கோட்டை சப் இன்ஸ்பெக்டர் சேட்டு மற்றும் போலீசார் நேற்று காலை ஆசனுார் சாலையில் வாகன சோதனையில் ஈடுபட்டனர். அப்போது அந்த வழியாக வந்த பைக்கை நிறுத்தி விசாரித்தனர்.

அதில், குணமங்கலத்தை சேர்ந்த தேவராசு மகன் செல்வமூர்த்தி, 25; எலவனாசூர்கோட்டை முனுசாமி மகன் சஞ்சீவி, 53; என்பதும், பைக்கில் குட்கா பொருட்களை விற்பனைக்காக கடத்திச் செல்வதும் தெரிவந்தது. இதனையடுத்து செல்வமூர்த்தி, சஞ்சீவி ஆகிய 2 பேரையும் போலீசார் கைது செய்து, 2,700 ரூபாய் மதிப்புள்ள குட்கா பொருட்கள் மற்றும் பைக்கை பறிமுதல் செய்தனர்.