மின்சாரம் தாக்கி இருவர் உயிரிழப்பு !

ஆம்பூர் நகர காவல்துறையினர் விசாரணை திருப்பத்தூர் மாவட்டம் ஆம்பூர் அடுத்த கன்னிகாபுரம் 1வது தார்வழி பகுதியை சேர்ந்தவர் ஜெயகுமார் இவர் அதே பகுதியில் உள்ள மலையடிவாரத்தில்உள்ள நிலத்தை குத்தகையிற்கு எடுத்து விவசாயம் செய்து வருகிறார், இந்நிலையில் ஜெயகுமார் குத்தகையிற்கு எடுத்து நிலத்தில் பயிரிடப்பட்ட பயிர்களை வனவிலங்குகள் சேதப்படுவதாக கூறி, ஜெயகுமார் மற்றும் அவரது மைத்துனரான வெங்கடேசன் என்பவரும், ஒன்றாக வனவிலங்குகளை விரட்ட நிலத்திற்கு சென்றுள்ளனர்.

அப்பொழுது எதிர்பாராவிதமாக ராம மூர்த்தி என்பவருக்கு சொந்தமான விவசாய நிலத்தில், வனவிலங்குகளை விரட்ட அமைக்கப்பட்டிருந்த மின்வேலியில் சிக்கி ஜெயகுமார் மற்றும் வெங்கடேசன் பரிதாபமாக உயிரிழந்துள்ளனர், அதனை தொடர்ந்து வெகுநேரம் ஆகியும், இருவரும் வீடு திரும்பாததால், அவர்களது உறவினர்கள் அவர்களை பல இடங்களில் தேடியுள்ளனர்.

அதனை தொடர்ந்து ராம மூர்த்தியின் நிலத்திற்கு சென்று பார்த்த போது இருவரும் மின்வேலியில் சிக்கி உயிரிழந்திருப்பது தெரியவந்தது, பின்னர் உடனடியாக அவரது உறவினர்கள் இச்சம்பவம் குறித்து ஆம்பூர் நகர காவல்துறையினருக்கு தகவல் அளித்துள்ளனர், தகவலின் பேரில் சம்பவ இடத்திற்கு விரைந்த காவல்துறையினர் இருவரது உடல்களையும் மீட்டு பிரேத பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்து, இச்சம்பவம் குறித்து வழக்குபதிவு செய்து விசாரணை மேற்க்கொண்டு வருகின்றனர்.

மேலும் வனவிலங்குகளை விரட்ட நிலத்திற்கு சென்ற மாமன் மற்றும் மைத்துனன், நிலத்தில் இருந்த மின்வேலியில் சிக்கி பரிதாபமாக உயிரிழந்த நிகழ்வு அப்பகுதியில் பெரும் பரபரப்பையும் சோகத்தையும் ஏற்படுத்தியுள்ளது