டூ வீலர் - கார் மோதல் : 3 பேர் காயம்
சாத்தூர் தேசிய நெடுஞ்சாலையில் டூவீலர் மீது கார் மோதிய விபத்தில் இரு சக்கர வாகனத்தில் வந்த 3 பேர் காயமடைந்தனர். விபத்து குறித்து போலீசார் விசாரிக்கின்றனர்.
Update: 2024-02-04 08:00 GMT
காவல் நிலையம்
மதுரை மாவட்டம் கள்ளிக்குடி பகுதியைச் சார்ந்தவர் பன்னீர்செல்வம் 24. இவர் தன்னுடன் பணிபுரியும் சீனிவாசன், வெற்றிவேல் ஆகியோருடன் இருசக்கர வாகனத்தில் துலுக்கப்பட்டி பகுதியில் இருந்து மதுரை தேசிய நெடுஞ்சாலையில் கள்ளிகுடி நோக்கி சென்றதாக கூறப்படுகிறது .அப்பொழுது அவர்களுக்கு பின்னால் வந்த பிரபாகர் என்பவர் ஓட்டி வந்த கார் அதிவேகமாகவும் அஜாக்கிரதையாக ஒட்டி வரப்பட்டு இருசக்கர வாகனத்தின் மீது மோதி விபத்து ஏற்பட்டுள்ளது. இந்த விபத்தில் இருசக்கர வாகனத்தில் பயணம் செய்த மூவருமே காயம் அடைந்தனர். மூவரும் விருதுநகர் அரசு மருத்துவ கல்லூரி மருத்துவமனையில் சிகிச்சைக்காக சேர்க்கப்பட்ட நிலையில் இந்த விபத்து குறித்து காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்.