டிராக்டர் மீது டூ வீலர் மோதி வாலிபர் படுகாயம்!

திருவண்ணாமலை மாவட்டம் ஆரணி அம்பேத்கர் நகரை சேர்ந்த ரகமத்துல்லா மகன் சஞ்சய் (24). இவர் செய்யாறு பகுதியில் உள்ள தனியார் நிதிநிறுவனத்தில் பணியாற்றி வருகிறார்.இந்நிலையில் வழக்கம் போல ஆரணியில் வேலைக்காக டூ வீலரில் வந்து கொண்டிருந்தார். ஆரணி - செய்யாறு சாலையில் மாம்பாக்கம் வனப்பகுதி அருகே வந்தபோது பாரியமங்கலம் கிராமத்தைச் சேர்ந்த சிட்டிபாபு என்பவர் வைக்கோல் சுற்றும் எந்திரத்தை மாட்டிக்கொண்டு சென்ற டிராக்டரில் இவரது டூ வீலர் மோதியது.

இதில் படுகாயம் அடைந்த சஞ்சையை அங்கிருந்தவர்கள் மீட்டு 108 ஆம்புலன்ஸ் மூலம் ஆரணி அரசு மருத்துவமனைக்கு அனுப்பி வைத்தனர்.. தொடர்ந்து மேல் சிகிச்சைக்காக ராணிப்பேட்டை தனியார் மருத்துவமனையில் அவர் சேர்க்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது. இது தொடர்பாக வாழைப்பந்தல் சப்-இன்ஸ்பெக்டர் ஜெயகாந்தன் வழக்குப்பதிவு செய்து தீவிர விசாரணை நடத்தி வருகின்றார்.