புளியமரத்தில் டூவீலர் மோதி விபத்து - ஒருவர் உயிரிழப்பு

தர்மபுரி மாவட்டம், பாப்பிரெட்டிப்பட்டி சட்டமன்ற தொகுதிக்கு உட்பட்ட மோளையானூரைச் சேர்ந்தவர் எத்திராஜ், இவர் பாப்பிரெட்டிப்பட் டியில் உள்ள தனியார் இருசக்கர வாகனத்தில் ஷோரூமில் பணியாற்றி வந்தார். இவர் நேற்று காலை. சேலம் அயோத்தியாப்பட்டணத்தில் நடந்த விசேஷத்திற்கு சென்று விட்டு, மீண்டும் டூவீலரில் வீடு திரும்பிக் கொண்டிருந்தார்.

பாப்பிரெட்டிப்பட்டி அடுத்த சாமியாபுரம் கூட்ரோடு தனியார் கிழங்கு மில் அருகே வந்த போது, திடீரென கட்டுப்பாட்டை இழந்த டுவீலர், சாலையோரம் இருந்த புளியமரத்தின் மீது மோதியது. இதில் தலையில் படுகாயமடைந்த எத்திராஜ், சம்பவ இடத்திலேயே உயிரிழந்தார். இதுபற்றி தகவல் அறிந்து வந்த பாப்பிரெட்டிப்பட்டி காவல்துறையினர் அவரது சடலத்தை கைப்பற்றி அரசு மருத்துவமனைக்கு அனுப்பி வைத்தனர். தொடர்ந்து விசாரணை நடத்தி வருகின்றனர்.