சுரபி கல்லூரி அருகே டூவீலர்கள் நேருக்கு நேர் மோதல் !

சுரபி கல்லூரி அருகே டூவீலர்கள் நேருக்கு நேர் மோதல். பெண் உள்பட இருவர் படுகாயம். கரூர் மாவட்டம், கடவூர் தாலுகா, தரகம்பட்டி பகுதியைச் சேர்ந்தவர் தனசெல்வம். வயது 41. இவர் ஜூலை 11ஆம் தேதி மாலை 4 :45-மணி அளவில், கரூர் மாவட்டம், வெள்ளியணையில் இருந்து ஜெகதாபி செல்லும் சாலையில் அவரது டூவீலரில் சென்று கொண்டு இருந்தார்.

இவரது வாகனம் அருகில் உள்ள சுரபி கல்லூரி கட் ரோடு அருகே வந்த போது, எதிர் திசையில், கரூர் மாவட்டம், கீரனூர், சாமியார்பிள்ளை புதூர் பகுதியைச் சேர்ந்த ராமர் வயது 31, அவரது மனைவி ராஜேஸ்வரி வயது 26 ஆகியோர் டூவீலரில் வேகமாக சென்று தனசெல்வம் ஓட்டி சென்ற டூவீலர் மீது நேருக்கு நேர் மோதி விபத்து ஏற்பட்டது.

இந்த விபத்தில் தன செல்வத்திற்கும் ராமர் ஓட்டி சென்ற வாகனத்தில் பின்னால் அமர்ந்து வந்த அவரது மனைவி ராஜேஸ்வரிக்கும் பலத்த காயம் ஏற்பட்டது. உடனடியாக இருவரையும் மீட்டு, தனியார் ஆம்புலன்ஸ் மூலம், தனசெல்வத்தை கரூர் செந்தில்கேர் மருத்துவமனையிலும் ராஜேஸ்வரியை கரூர் கேஜி மருத்துவமனையிலும் சிகிச்சைக்காக அனுமதித்தனர்.

இந்த சம்பவம் தொடர்பாக தனசெல்வம் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல் துறையினர், டூவீலரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய ராமர் மீது வழக்கு பதிவு செய்துள்ளனர் வெள்ளியணை காவல்துறையினர்.