உதயநிதி ஸ்டாலின் பிறந்தநாள் - ரத்த தானம் செய்த கட்சி நிர்வாகிகள்

தமிழக இளைஞர் நலன் மற்றும் விளையாட்டு மேம்பாட்டுத்துறை அமைச்சர் உதயநிதி ஸ்டாலின்  46வது பிறந்தநாள் இன்று தமிழகம் முழுவதும் திமுகவினர்   கொண்டாடி வருகின்றனர். இதன் தொடர்ச்சியாக கரூர் மத்திய பகுதி இளைஞரணி சார்பில் இரத்ததானம் வழங்கும் நிகழ்வு கரூர் ரத்த வங்கி நிலையத்தில் நடைபெற்றது. இந்த நிகழ்ச்சியை திமுக கரூர் மாநகர பொறுப்பாளர் கனகராஜ் துவக்கி வைத்தார். இந்நிகழ்ச்சியில் கிழக்கு நகர செயலாளர் கோல்ட் ஸ்பாட் ராஜா, மத்திய நகரப் பகுதி செயலாளர்  குமார், கரூர் மத்திய பகுதி இளைஞரணி பொறுப்பாளர் ஜிம் பாலாஜி, மத்திய நகர இளைஞரணி பொறுப்பாளர்  குமார் உள்ளிட்ட திமுக நிர்வாகிகள் 25க்கும் மேற்பட்டோர் ரத்ததானம் வழங்கினர்.