வீரபாண்டிய கட்ட பொம்மன், வேலு நாச்சியார் பிறந்த தினம் கொண்டாடட்டம்

நாமக்கல் மாவட்டம் குமாரபாளையம் விடியல் ஆரம்பம் சார்பில்  வீரபாண்டிய கட்ட பொம்மன், வேலு நாச்சியார் பிறந்த தினம்  அமைப்பாளர் பிரகாஷ் தலைமையில் கொண்டாடப்பட்டது. குமாரபாளையம் அருகே வீரப்பம்பாளையம் ஊராட்சி ஒன்றிய பள்ளியில் நடந்த இவ்விழாவில், இருவரது திருவுருவப்படங்களுக்கு மலர்மாலை அணிவித்து, மலரஞ்சலி செலுத்தப்பட்டது. பள்ளி மாணவிகள் இருவர் போல் வேடமிட்டு நாடகம் நடித்து சுதந்திர போராட்டம் குறித்து விழிப்புணர்வு ஏற்படுத்தினர். மேலும் கட்டுரை, பேச்சு, ஓவியம், விநாடி வினா உள்ளிட்ட போட்டிகள் வைக்கப்பட்டு, வெற்றி பெற்றவர்களுக்கு பரிசாக புத்தங்கங்களை பள்ளி தலைமையாசிரியர் அருள்முருகன், முன்னாள் ஊராட்சி மன்ற தலைவர் செல்லமுத்து  வழங்கி வாழ்த்தினர். இதில் பஞ்சாலை சண்முகம், ஆசிரியர்கள் சுமதி, பிரபு, நந்தகுமார், முருகன், ராணி, நிர்வாகிகள் தீனா, அங்கப்பன் உள்பட பலர் பங்கேற்றனர்.