ஆண்டிமடம் அருகே டிராக்டர் மோதி பெண் தொழிலாளி பலி

அரியலூர் மாவட்டம் ஆண்டிமடம் அருகே ஓலையூர் கிராமம் அரசமர காலனித்தெருவை சேர்ந்த பிச்சமுத்து மனைவி கொளஞ்சியம்மாள் (59) கூலி தொழிலாளியான இவர் இன்று 25.03.24 தனியார் விவசாய நிலத்திற்கு விவசாய வேலை செய்துவிட்டு இளைப்பாறுவதற்காக வரப்போறோம் உட்கார்ந்து இருந்துள்ளார். அப்போது அங்கு விவசாய பணியில் ஈடுபட்டிருந்த டிராக்டர் ஒன்று டிரைவரின் கட்டுப்பாட்டை இழந்து எதிர்பாராத விதமாக கொளஞ்சியம்மாள் மீது மோதியது. இதில் நிலை தடுமாறி கீழே விழுந்த கொளஞ்சியம்மாளின் பின் மண்டையில் பலத்த காயமடைந்து சம்பவ இடத்திலேயே பரிதாபமாக உயிரிழந்தார். டிராக்டர் ஓட்டி வந்து விபத்து ஏற்படுத்திய டிராக்டர் டிரைவர் அதே பகுதியை சேர்ந்த வேல்முருகன் என்பவர் டிராக்டரை அப்படியே விட்டு தப்பி ஓடி விட்டார். இது குறித்து சம்பவம் அறிந்த ஆண்டிமடம் போலீசார் சம்பவ இடத்திற்கு சென்று கொளஞ்சியம்மாளின் உடலை கைப்பற்றி பிரேத பரிசோதனைக்காக ஜெயங்கொண்டம் அரசு தலைமை மருத்துவமனைக்கு அனுப்பி வைத்தனர். மேலும் இதுகுறித்து கொளஞ்சியம்மாளின் மகன் ராஜீவ்காந்தி ஆண்டிமடம் போலீஸ் நிலத்தில் புகார் அளித்தார். புகாரின் பேரில் போலீசார் வழக்கு பதிந்து தப்பி ஓடிய டிராக்டர் டிரைவர் வேல்முருகனை தேடி விசாரித்து வருகின்றனர்.