தடுப்பு சுவரில் மோதி தொழிலாளி உயிரிழப்பு

தர்மபுரி மாவட்டம்,மற்றும் சட்டமன்ற தொகுதிக்குட்பட்ட மதிகோன்பாளையம் அடுத்த எம்.ஒட்டப்பட்டியைச் சேர்ந்தவர் குமரேசன், கூலித் தொழிலாளியான இவருக்கு மீனாட்சி என்ற மனைவியும், ஒரு மகனும் உள்ளனர். நேற்று குமரேசன் டூவீலரில் தின்னப்பட்டிக்கு சென்றுள்ளார். அப்போது, திடீரென கட்டுப்பாட்டை இழந்த டூவீலர், சாலையின் தடுப்பு சுவரில் பயங்கரமாக மோதியதில் குமரேசன் பலத்த காயமடைந்தார்.

அக்கம்பக்கத்தினர் அவரை மீட்டு, தர்மபுரி அரசு மருத்துவமனையில் சேர்த்தனர். அங்கு தீவிர சிகிச்சை பலனின்றி நேற்று இரவு குமரேசன் உயிரிழந்தார். இதுபற்றி மதிகோன்பாளையம் போலீசார் வழக்குப்பதிவு செய்து விசாரித்து வருகின்றனர்.