வாக்காளர் பட்டியல் திருத்தம் சிறப்பு முகாம் குறித்த ஆய்வுக்கூட்டம்

ஈரோடு மாவட்ட ஆட்சியரக கூட்டரங்கில் வாக்காளர் பட்டியல் சிறப்பு சுருக்க திருத்தம் 2024 -சிறப்பு முகாம் தொடர்பாக அலுவலர்களுடனான ஆய்வுக்கூட்டம் மாவட்ட தேர்தல் அலுவலரும் , மாவட்ட ஆட்சித்தலைவர் ராஜ கோபால் சுன்கரா முன்னிலையில், ஈரோடு மாவட்ட வாக்காளர் பட்டியல் பார்வையாளரும் , அரசு சிறப்பு செயலாளருமான சங்கர் தலைமையில் நடைபெற்றது. கடந்த நவம்பர் 04 , 05 , 25 , 26 ஆகிய தேதிகளில் வாக்காளர் சிறப்பு முகாம் நடைபெற்றது. இந்த சிறப்பு முகாம்களில் பெறப்பட்ட மனுக்களின் எண்ணிக்கை, கோரிக்கைகளின் வகைப்பாடு, அவற்றின் மீதான நடவடிக்கைகள் மற்றும் புதிய வாக்காளர்களின் எண்ணிக்கை உள்ளிட்டவை குறித்து கேட்டறிந்து, பெறப்பட்ட மனுக்களின் மீது விரைவான நடவடிக்கைகள் மேற்கொள்ளுமாறு அலுவலர்களுக்கு அறிவுறுத்தினார். ஈரோடு மாநகராட்சிக்குட்பட்ட குமலன்குட்டை, வீரப்பம்பாளையம் பைபாஸ், நல்லித்தோட்டம் முனியப்பன் கோவில் வீதி மற்றும் பெரியவலசு நால் ரோடு கொங்கு நகர் ஆகிய பகுதிகளில் வாக்காளர் பட்டியல் சிறப்பு சுருக்கமுறை திருத்தம் குறித்து நேரில் சென்று ஆய்வு மேற்கொண்டார்.