ஏற்காடு கோடைவிழா இன்று நாய்கள் கண்காட்சி

ஏற்காடு கோடை விழாவையொட்டி கால்நடை பராமரிப்புத்துறை சார்பில் இன்று (சனிக்கிழமை) காலை 10 முதல் 12 மணி வரை கரியராமர் கோவில் அருகில் நாய்கள் கண்காட்சி நடைபெறுகிறது. இதில், சுற்றுலா பயணிகள் மற்றும் பொதுமக்கள் பல்வேறு வகை இன நாய்களை கொண்டு வந்து கலந்து கொள்ளலாம். மேலும், காவல்துறையை சேர்ந்த செல்ல பிராணிகளுக்கான கீழ்படிதல் மற்றும் சாகச நிகழ்ச்சிகள் நடைபெற உள்ளது. மேலும், மதியம் 2 மணி முதல் 4 மணி வரை பல்சுவை நிகழ்ச்சியும், சேர்வையாட்டம், சிலம்பாட்டம் ஆகிய நிகழ்ச்சிகளும் நடைபெறவுள்ளன.