இருசக்கர வாகன விபத்தில் இளைஞர் உயிரிழப்பு !!

தர்மபுரி மாவட்டம் அரூர் சட்டமன்ற தொகுதி மொரப்பூர் அருகே எலவடை கிராமத்தைச் சேர்ந்த குப்புசாமி மகன் ஜெய்சங்கர் இவருக்கு கடந்த 7 மாதத்திற்கு முன்பு திருமணம் ஆகி சிவதர்ஷினி என்ற மனைவி உள்ளார். சிவதர்ஷினி மொரப்பூரில் உள்ள தனது தாயார் வீட்டுக்கு சென்றுள்ளார். அவரை பார்ப்பதற்காக எலவடையில் இருந்து மொரப்பூருக்கு இன்று காலை தனது இருசக்கர வாகனத்தில் ஜெய்சங்கர் வந்துள்ளார். ரெயில்வே பாலத்தின் அடியில் சென்ற போது மோட்டார் சைக்கிள் விபத்தில் சிக்கியது. காயம் அடைந்த அவரை சேலத்தில் உள்ள தனியார் மருத்துவமனையில் சிகிச்சைக்காக கொண்டு சென்றனர். மருத்துவமனைக்கு செல்லும் வழியில் ஜெய்சங்கர் பரிதாபமாக உயிரிழந்தார் விபத்து தொடர்பாக மொரப்பூர் காவல்துறையினர் வழக்குப்பதிவு செய்து விசாரணை நடத்தி வருகின்றனர்.