சீரகத்தின் நன்மைகள்!

தினமும் காலையில் வெதுவெதுப்பான சீரக நீர் குடித்து வந்தால், உடலின் வளர்சிதை மாற்றம் மேம்படும். இது மட்டுமின்றி இது நாள் முழுவதும் நாம் சுறுசுறுப்புடன் இருக்க உதவும். சீரகத்தில் உள்ள இரும்புச்சத்து, நார்ச்சத்து மற்றும் பிற ஆரோக்கிய நன்மைகள் உடலில் நோய் எதிர்ப்பு சக்தியை அதிகரித்து பருவகால நோய்களிலிருந்து நம்மை காக்கின்றன. தொப்பை கொழுப்பு (Belly Fat) பிரச்சனை உள்ளவர்கள் தினமும் சீரகத்தை உட்கொள்ளலாம். சீரகம் பசியைக் குறைத்து, நமது வளர்சிதை மாற்றத்தை அதிகரிக்கிறது. இது நீர் தேக்கத்தையும் குறைக்கிறது. இதனால் உடலில் சேர்ந்துள்ள கூடுதல் கொழுப்பு வேகமாக குறைகிறது. இதில் மிக குறைவான கலோரிகளே இருப்பதால், இதனால் உடல் எடை வேகமாக குறைகிறது. செரிமானம் தொடர்பான பிரச்சனைகள் இருந்தால், தினமும் வெறும் வயிற்றில் சீரகத்தை உட்கொள்ள வேண்டும். இது அஜீரணம், வாயு மற்றும் மலச்சிக்கல் (Constipation) தொடர்பான பிரச்சனைகளில் இருந்து உடனடி நிவாரணம் அளிக்கின்றது. வளர்சிதை மாற்றத்தை துரிதப்படுத்தவும் சீரகம் உதவுகிறது. சீரகத்தில் இடம்பித்திருக்கும் பாலிபீனால் என்கிற சேர்மானம் உடலில் ஏற்படும் ஆக்சிஜனேற்ற அழுத்தத்தை குறைக்கிறது.உடலில் கெட்ட கொலஸ்ட்ரால் அளவு அதிகமாக உள்ளவர்கள் சீரகத்தை உட்கொள்ளலாம். இதில் உள்ள பண்புகள் கெட்ட கொலஸ்ட்ரால் படிப்படியாகக் குறைக்கின்றது. இதன் மூலம் இதய நோய்களுக்கான ஆபத்து குறைகிறது.