முத்தூரில் பைக் விபத்து மாணவன் பலி - சிசிடிவி காட்சிகள் வைரல்

ஈரோடு மாவட்டம் மொடக்குறிச்சியில் உள்ள அல் அமீன் என்ற தனியாருக்கு சொந்தமான பாலிடெக்னிக்கில் ITI படித்து வருபவர் மோகனபிரசாத் (25). இன்று அவருடைய நண்பர் ரமேஷ் என்பவரின் புல்லட் வண்டியை வாங்கிக்கொண்டு ஊருக்கு வந்துள்ளார். மேலும் மோகன பிரசாந்தின் தந்தை ஜெகநாதன் சின்னமுத்தூர் பகுதியை சேர்ந்தவர் என்பதும் அவர் சென்னையில் 108 ஆம்புலன்சில் பணிபுரிகின்றார். நாளை மகனின் பிறந்தநாளை கொண்ட தற்போது சென்னையில் இருந்து ரயில் மூலம் சொந்த ஊருக்கு வந்து கொண்டுள்ளார். இந்நிலையில் மோகன பிரசாந்த் முத்தூர் - கொடுமுடி ரோட்டில் அதிவேகமாக வந்து கொண்டிருந்த போது தனியாருக்கு சொந்தமான பெட்ரோல் பங்க் அருகே இருந்து திரும்பிய ஆட்டோ மீது மோதி விபத்து ஏற்பட்டது. இதில் மாணவன் மோகன பிரசாத் பைக்கில் இருந்து தூக்கி வீசப்பட்டு கீழே விழுந்தார். இதில் தலையில் பலத்த காயம் ஏற்பட்டது. அப்போது சாலையில் இருந்தவர்கள் மற்றும் பள்ளி மாணவர்கள் பதறியடித்து மோகன பிரசாத்தை தனியார் ஆம்புலன்ஸ் மூலம் காங்கேயம் அரசு தலைமை மருத்துவமனைக்கு அனுப்பிவைத்தனர். அங்கு பரிசோதித்த மருத்துவர்கள் மாணவர் மோகன பிரசாத் வரும் வழியிலேயே உயிரிழந்ததாக தெரிவித்தனர். பின்னர் விபத்து குறித்து வெள்ளகோவில் காவல்துறை விசாரணை மேற்கொண்டு வருகின்றனர். தனியார் ஐடிஐ யில் படிக்கும் மாணவன் விபத்தில் பலியான சிசிடிவி வீடியோ சமூக வலைத்தளங்களில் பரவி முத்தூர் பகுதியில் பரபரப்பை ஏற்படுத்தியுள்ளது.