வெள்ளகோவில் நகர திமுக சார்பில் கருணாநிதி உருவு படத்திற்கு அஞ்சலி

வெள்ளகோவில் நகர திமுக சார்பில் நேற்று முன்னாள் முதலமைச்சர் கருணாநிதியின் நினைவு தினத்தை முன்னிட்டு வெள்ளகோவில் நகராட்சியை சேர்ந்த 21 வார்டுகளிலும் திமுக நகர செயலாளர் சபரி முருகானந்தம் தலைமையில் பல்வேறு இடங்களில் கருணாநிதியின் உருவப்பட வைக்கப்பட்டு மாலை அணிவித்து மலர் தூவி மரியாதை செலுத்தப்பட்டது. நிகழ்ச்சியில் முன்னாள் பொதுக்குழு உறுப்பினர் மோனச்செல்வம், திருப்பூர் தெற்கு மாவட்ட துணை செயலாளர் முத்துக்குமார், திருப்பூர் தெற்கு மாவட்ட விளையாட்டு மேம்பாட்டு அணி அமைப்பாளர் ஆர்.சக்தி குமார், நகர அவைத்தலைவர் குமரவேல், நகர துணைச் செயலாளர் பவித்ரா நந்தகோபால், நகர்மன்ற உறுப்பினர் சந்திரசேகர், திருப்பூர் தெற்கு மாவட்ட பொறியாளர் அணி துணை அமைப்பாளர் சந்திரசேகரன், முன்னாள், இந்நாள் நகர்மன்ற உறுப்பினர்கள் ஒன்றிய, நகர முன்னாள் நிர்வாகிகள் உட்பட ஏராளமானோர் கலந்து கொண்டனர்.