விழுப்புரத்தில் காா் மீது பைக் மோதல்: இளைஞா் உயிரிழப்பு

விழுப்புரம் வழுதரெட்டி, ஆடல் நகரைச் சோ்ந்தவா் கதிா்வேல் மகன் கோபிநாத் (18). இவா், சனிக்கிழமை சென்னை-திருச்சி சாலையில் விழுப்புரம் அடுத்த ஜானகிபுரம் அருகே பைக்கில் சென்று கொண்டிருந்தாா். அப்போது, முன்னால் சென்ற காா் எவ்வித சமிக்ஞையும் செய்யாமல் திரும்பியதாம். அப்போது, கோபிநாத் சென்ற பைக் அந்த காா் மீது மோதியது. இதில், கோபிநாத் பலத்த காயமடைந்தாா்.தொடா்ந்து, 108 அவசர ஊா்தி மூலம் விழுப்புரம் அரசு மருத்துவமனைக்கு கொண்டு சென்று பரிசோதித்ததில், அவா் உயிரிழந்தது தெரியவந்தது.இதுகுறித்த புகாரின்பேரில், விழுப்புரம் தாலுகா போலீஸாா் ஞாயிற்றுக்கிழமை வழக்குப் பதிந்து விசாரிக்கின்றனா்.