கள்ளக்குறிச்சி மந்தைவெளியில் ஜே.எஸ்., குளோபல் அகாடமி பள்ளி மற்றும் நகராட்சி நிர்வாகம் இணைந்து துாய்மை இந்தியா விழிப்புணர்வு ஊர்வலம் நடந்தது.26-Sep-2024 ஜே.எஸ்., குளோபல் அகாடமி சி.பி.எஸ்.இ., பள்ளி தலைமை ஆசிரியர் ஜெயலட்சுமி தலைமை தாங்கினார். நகராட்சி கமிஷ்னர் மகேஸ்வரி, பள்ளி துணை முதல்வர் பாபு முன்னிலை வகித்தனர். சிறப்பு அழைப்பாளராக நகராட்சி சேர்மன் சுப்ராயலு பங்கேற்று, ஊர்வலத்தை கொடியசைத்து துவக்கி வைத்தார். செப்., 16 - அக்., 2 வரை துாய்மை இந்தியா வாரம் அனுசரிக்கப்படுகிறது. இதையொட்டி பொது இடங்களில் குப்பைகளை வீச மாட்டோம், மக்கும், மக்காத குப்பைகளை தரம் பிரித்து கொட்டுவோம், பிளாஸ்டிக் பொருட்களை பயன்படுத்தமாட்டோம் என நகராட்சி அலுவலர்கள், பள்ளி மாணவர்கள் உறுதிமொழி ஏற்றனர். நிகழ்ச்சியில் பள்ளி ஆசிரியர்கள், நகராட்சி அலுவலர்கள், துாய்மை பணியாளர்கள் கலந்து கொண்டனர்.