முதலமைச்சர் கோப்பை காண போட்டியில் வெற்றி பெற்றவர்களுக்கு பரிசளிப்பு

திருச்செங்கோடு, அருள்மிகு அர்த்தநாரீசுவரர் கலை மற்றும் அறிவியல் கல்லூரி மாணவர்களுக்கு பாராட்டு விழா. முதலமைச்சர் கோப்பைக்கான நாமக்கல் மாவட்ட நீச்சல் போட்டியில் 200 மீட்டர் பிரஸ்ட் ஸ்ட்ரோக் பிரிவில் இரண்டாம் இடம்பெற்று ரூபாய்.2000/- ரொக்கப் பரிசும், 200 மீட்டர் பேக் ஸ்ட்ரோக் பிரிவில் மூன்றாம் இடம் பெற்று ரூபாய்.1000/- ரொக்கப் பரிசும் பெற்ற மூன்றாம் ஆண்டு பி.காம் மாணவர் ஆ.கவியரசு மற்றும் 200 மீட்டர் பேக் ஸ்ட்ரோக் பிரிவில் இரண்டாம் இடம்பெற்று ரூபாய்.2000/- ரொக்கப் பரிசும், 200 மீட்டர் பிரஸ்ட் ஸ்ட்ரோக் பிரிவில் மூன்றாம் இடம் பெற்று ரூபாய்.1000/- ரொக்கப் பரிசும் பெற்ற முதலாம் ஆண்டு பி.காம் மாணவர் செ.ம.கார்த்திக்,மேலும்,பெரியார் பல்கலைக்கழக ஆளுகைக்குட்பட்ட கல்லூரிகளுக்கு இடையிலான நடைபெற்ற டேக்வான்டோ போட்டியில் 58 கிலோ இடைப்பிரிவில் இரண்டாம் ஆண்டு பிஎஸ்சி-கம்ப்யூட்டர் சயின்ஸ் மாணவர் பொ.கோபி கிருஷ்ணன் வெண்கல பதக்கம் வென்று இருந்தனர். வெற்றி பெற்ற மாணவர்களை இக்கல்லூரியின் செயலரும் அருள்மிகு அர்த்தநாரீசுவரர் திருக்கோயிலின் உதவி ஆணையருமாகிய திரு மு.ரமணிகாந்தன் அவர்களும், கல்லூரி முதல்வர் கி.வெங்கடாசலம் அவர்களும், உடற்கல்வி இயக்குநர் நா. செந்தில்குமார் அவர்களும், அனைத்து துறை தலைவர்கள், பேராசிரியர்கள், பணியாளர்கள் மற்றும் மாணவ மாணவியர்கள் பாராட்டினர்.