பாலமேடு ஜல்லிக்கட்டு பணிகள் மும்முரம்

மதுரை மாவட்டத்தில் உலகப்புகழ் பெற்ற பாலமேடு ஜல்லிக்கட்டு போட்டி வருகின்ற 15ஆம் தேதி புதன்கிழமை மஞ்சமலை ஆற்று திடல் வாடிவாசலில் நடைபெற உள்ளது. இதற்கு பாலமேடு பேரூராட்சி சார்பில், வாடிவாசல் வண்ணம் பூசும் பணிகள், பார்வையாளர் அமரும் கேலரி அமைப்பது, இரண்டடுக்கு பாதுகாப்பு வேலி, உள்ளிட்ட பல பணிகள் தீவிரமாக நடைபெற்று வருகிறது. பாலமேடு பேரூராட்சி தலைவர் சுமதி பாண்டியராஜன், துணைத்தலைவர் ராமராஜ், மேற்பார்வையில் ஜல்லிக்கட்டு விழாவிற்கான அனைத்து பணிகளும் மும்முரமாக நடைபெற்று வருகிறது. மேலும் முக்கிய இடங்களில் கண்காணிப்பு கேமராக்கள், தற்காலிக கழிப்பறை வசதிகள், ஜல்லிக்கட்டு போட்டியை பார்வையாளர்கள் ஆங்காங்கே நின்று கண்டு ரசிக்க பேருந்து நிலையம், உள்ளிட்ட பல்வேறு இடங்களில் அகன்ற திரை மூலம் நேரடி ஒளிபரப்பு வசதி, தற்காலிக குடிநீர் வசதிகள், தயார் நிலையில் ஆம்புலன்ஸ் வாகனங்கள், உள்ளிட்ட பல்வேறு பணிகள் மும்முரமாக நடைபெற்று வருகிறது.